Alptraum eines Opportunisten
Von der LP "Wolfgang Niedecken's BAP rockt andere kölsche Leeder", 1979

Ich kohm ahn ne Buhrehoff un ich wohr unwahrscheinlich mööt.
Ich daach: "He hällste eez ahn, fröchs dä Buhr he noh nem Bett."
Ich roofen: "He, do drinne, ess do irjendeiner doheim?"
Dobei stund ich op dä Trapp, un ich hatt ihßekahle Bein.
Do kohm dä Buhr eruss, un ich daach, ich weed beklopp,
denn dä Kääl, dä hatt en Scheeß, die heelt mir vüür minge Kopp.

Ich fallen op de Knee un benn am ziddere vüür Angs
un saare: "Buhre fing ich joot, öm Jotteswille, leeve Mann!"
Do entsichert dä sing Scheeß un fäng laut ze brülle ahn:
"Vun "X-Ypsilon" weiß ich, dat mer keinem traue kann."
Ich saare: "Leeve Mann, mir künnt ihr traue. Ich söök nur e Bett.
Usserdämm studier ich Jura op der Universität."

Dann kohm sing Dochter russ un säht: "Gestatten, heiße Rita."
Ich kräht direk ruude Uhre vun wäjen "Dolce vita",
denn su ne "Schoß" hatt ich he bei dä Kappesbuhre nit erwaat.
Och dä Vatter vun dämm Mädche wohr üvverhaupt nit staaz.
Für mich enzeschmeicheln, säät ich: "Levve Mann, ihr sidd op Zack.
Üch mäht keiner flöck jet vüür vun dämm janze Rattepack.

En der "Jungen Union" benn ich" - do luhrte intressiert.
Dadropp hann ich met dämm Buhr en Veedelstund politisiert.
Ich säät: "Farbentragen bring et, Mensuren schlagen och!"
Koot jesaat, ich kräät dat Bett, nur versprechen moot ich noch,
dat sing Dochter für mich Luff wöhr, sons kräht ich met ihm Zoff,
denn schließlich hieroht dat dä Mattes, dämm jehührt dä Nachbarhoff.

Un sing Köh sollt ich melke nächste Morje koot noh vier.
Ich säät: "Affjemaht, levve Buhr, ich versprech et dir."
Alles klar, mer jinge penne un et woor ald koot vüür zehn,
do kohm et Rita ahn ming Bett un säht: "Ich möchte mit dir gehn!
Nimm mich mit, zeig mir die Welt und ich zeige dir dafür,
wat alles unger mingem Naachthemp loss ess." - ich kunnt nix dofür.

Ich denke: "Scheiße, flöck eruss he!" Zoröck hielt mich dann nur
dä jottverdammte zweite Teil vun dämm beknackte Schwur.
Denn dämm sing Köh ze melke hatt ich ihm versproche vüür zwei Stund,
denn do kunnt ich noch nit wesse, wie jetzt et Rita vüür mir stund:
Huhe Affsätz, Strappse, Netzströmp, transparentes Negligé.
Levve Herrjott, loss dä Buhr nix merke, bitte hör mein Flehe!

Doch dat woor nix met dämm Bedde, denn op eimohl woot et hell
un minge Buhr stund en der Düür un säht: "Dat ess he kei Hotel!
Un dat Flittschen - Rita meinte - sick wann ess dat ald bei dir?"
Öm en affzelenke, säht ich: "Kohl ess Kappes, Strauß e Dier,
Alfred Dregger ne Verbrecher un dä Löwental en Sau.
Levve Buhr, maach keine Wind, schließlich ess dat Kind en Frau!"

Besser hätt ich dat jelosse, dann wöhr alles nit passiert,
denn ming Ablenkungsmanöver woor doch ärsch improvisiert.
En dä Eile hatt ich mich verdonn un alles falsch gemaht,
ävver klevver wie ich woor, hann ich dann noch flöck jesaht:
"Meister Proper fing ich prima! Adenauer, dä hatt rääsch!
Inge Meisel an die Macht!" Dobei woot et mir dann schlääsch.

Un schon fing ich ahn ze kozze. Dobei hann ich noch erwähnt,
dat ich Leutnant der Reserve wöör em Garderegiment.
GSG 9 heeß dä Laade, un do köhm nur dä erenn,
dä ne echte deutsche Kääl ess, wie ich ess eine benn.
"Zäh wie Leder, hart wie Kruppstahl, wä ne Windhund övverhöllt,
un wä blond ess, blaue Aure hätt", hann ich dämm Buhr verzällt.

"Wenn dat su ess", säht dä Buhr, "Jung, dann will ich nit esu sinn:
Nächste Sonndaach weet jehieroot, sulang blievs do he drinn."
Un su woot et och jemaht. Sick dämm liej' ich ahn der Kett,
un et Rita ess ming Frau, un dä Buhr, dä ess jetz nett.
Ich bin Schützenkönig, Bürjermeister, Kirch-Chor-Dirigent,
un dat alles nur, weil unsereins nit jähn em Freie pennt!

Alptraum eines Opportunisten
Übersetzt von Chrischi 1998

Ich kam an einen Bauernhof und ich war unwahrscheinlich müde.
Ich dachte: "Hier hältst du erst mal an, fragst den Bauern nach einem Bett."
Ich rief: "Hey, da drinnen, ist da irgendeiner daheim?"
Dabei stand ich auf der Treppe, und ich hatte eiskalte Beine.
Da kam der Bauer heraus, und ich dachte, ich werde bekloppt,
denn der Kerl, der hatte ein Schießgewehr, das hielt er mir vor meinen Kopf.

Ich falle auf die Knie und bin am Zittern vor Angst
und sage: "Bauern finde ich gut, um Gotteswillen, lieber Mann!"
Da entsichert der sein Schießgewehr und fängt laut zu brüllen an:
"Von "XY" weiß ich, daß man keinem trauen kann."
Ich sage: "Lieber Mann, mir könnt ihr trauen. Ich suche nur ein Bett.
Außerdem studiere ich Jura auf der Universität."

Dann kam seine Tochter heraus und sagte: "Gestatten, heiße Rita."
Ich kriegte direkt rote Ohren von wegen "Dolce vita",
denn so eine "tolle Frau" hatte ich hier bei den "Kappesbauern" nicht erwartet.
Auch der Vater von dem Mädchen war überhaupt nicht stattlich.
Um mich einzuschmeicheln, sagte ich: "Lieber Mann, ihr seid auf Zack.
Euch macht keiner schnell etwas vor von dem ganzen Rattenpack.

In der "Jungen Union" bin ich" - da schaute er interessiert.
Darauf habe ich mit dem Bauern eine Viertelstunde politisiert.
Ich sagte: "Farbentragen bringt es, Mensuren schlagen auch!"
Kurz gesagt, ich kriegte das Bett, nur versprechen mußte ich noch,
daß seine Tochter für mich Luft wäre, sonst kriegte ich mit ihm Zoff,
denn schließlich heiratet die den Mattes, dem gehört der Nachbarhof.

Und seine Kühe sollte ich melken am nächsten Morgen kurz nach vier.
Ich sagte: "Abgemacht, lieber Bauer, ich verspreche es dir."
Alles klar, wir gingen pennen und es war schon kurz vor zehn,
da kam die Rita an mein Bett und sagte: "Ich möchte mit dir gehen!
Nimm mich mit, zeig mir die Welt und ich zeige dir dafür,
was alles unter meinem Nachthemd los ist." - ich konnte nichts dafür.

Ich denke: "Scheiße, schnell heraus hier!" Zurück hielt mich dann nur
der gottverdammte zweite Teil von dem beknackten Schwur.
Denn dem seine Kühe zu melken hatte ich ihm versprochen vor zwei Stunden,
denn da konnte ich noch nicht wissen, wie jetzt die Rita vor mir stand:
Hohe Absätze, Strapse, Netzstrümpfe, transparentes Negligé.
Lieber Herrgott, laß den Bauer nichts merken, bitte höre mein Flehen!

Doch das war nichts mit dem Beten, denn auf einmal wurde es hell
und mein Bauer stand in der Türe und sagte: "Das ist hier kein Hotel!
Und das Flittchen - Rita meinte er - seit wann ist das schon bei dir?"
Um ihn abzulenken, sagte ich: "Kohl ist Kappes, Strauß ein Tier,
Alfred Dregger ein Verbrecher und der Löwental eine Sau.
Lieber Bauer, mach keinen Wind, schließlich ist das Kind eine Frau!"

Besser hätte ich das gelassen, dann wäre alles nicht passiert,
denn mein Ablenkungsmanöver war doch arg improvisiert.
In der Eile hatte ich mich vertan und alles falsch gemacht,
aber clever wie ich war, habe ich dann noch schnell gesagt:
"Meister Proper finde ich prima! Adenauer, der hat recht!
Inge Meisel an die Macht!" Dabei wurde es mir dann schlecht.

Und schon fing ich an zu kotzen. Dabei habe ich noch erwähnt,
daß ich Leutnant der Reserve wäre im Garderegiment.
GSG 9 hieße der Laden, und da käme nur der herein,
der ein echter deutscher Kerl ist, wie ich es einer bin.
"Zäh wie Leder, hart wie Kruppstahl, wer einen Windhund überholt,
und wer blond ist, blaue Augen hat", habe ich dem Bauer erzählt.

"Wenn das so ist", sagte der Bauer, "Junge, dann will ich nicht so sein:
Nächsten Sonntag wird geheiratet, solange bleibst du hier drin."
Und so wurde es auch gemacht. Seit dem liege ich an der Kette,
und die Rita ist meine Frau, und der Bauer, der ist jetzt nett.
Ich bin Schützenkönig, Bürgermeister, Kirchenchordirigent,
und das alles nur, weil unsereins nicht gerne im Freien pennt!