Et ess vorbei
Von der CD "SONX", 2004

Wenn du wach weeß, liej`ich niemieh nevven dir un et Bess wöhr, du sööx nirjendwo noh mir. Stell kein Froore, op die et kein Antwoot jitt, ich benn lang ald durch de Düür, wohin weiß ich selver nit. Loss et joot sinn, maach dir keine Kopp, hook mich aff, Kind un verlooß dich dropp, dat ich Rääsch hann: Et hätt einfach keine Zweck, och wenn`t noch su schön woor, jede einz`je Aurenbleck. Et litt nit ahn dir, du kanns nix dofür. Et mäht keine Senn, denk nit jrooß drövver noh, et soll nit sinn. Et ess vorbei,  eh dat noch russläuf op Dierquälerei. Et ess vorbei un do blieht et och bei, jläuv mir`t ess besser, mir lossen uns frei. Nur en Kääz brennt un dä Zeddel he, vüür mir mäht mich fäädisch, weil`e mich hypnotisiert, majestätisch, unberührt wie Schnie, jede Spur vun mir dodropp deit dir nur unnühdisch wieh. Un ich sinn dich un ich sehne mich noh dir. Wie du doliss, ich benn völlisch irritiert. Wiesu fällt mir jede Buchstabe su schwer? Wiesu kriej`ich, wat ich denke nit och logisch formuliert? Nä,`t litt nit ahn dir, du kanns nix dofür. Wa`s bloß loss met mir? Herrjott, wieso sinn mir zwei uns passiert? Nur dä Wind weiß – falls dä övverhaup jet weiß – wat dä Jrund dofür ess, dat ich wie en Katz su leis dir dä Schal klau, dä noh all dä Sünde rüsch, un dann affhau, eh du mich doch noch erwischs. Wenn du wach weeß, setz ich ir`ndwo en`nem Zoch, Steve Mc Queen als Papillon, vüür Jeföhle op der Flucht, weil`e Angs hätt, datt`e sich ahn dich jewönnt, weil`e janz jenau weiß, dat du jet Besseres verdeens. Et litt nit ahn dir, du kanns nix dofür, ich benn dat Problem un wenn du ehrlich bess, siehs du dat enn. Et ess vorbei, wenn ich jet hasse, dann Römmeierei. Et ess vorbei. Jläuv mir`t ess besser, mir lossen uns frei.

Es ist vorbei
Übersetzt von Chrischi 2004

Wenn du wach wirst, liege ich nicht mehr nebenn dir und das Bestes wäre, du suchst nirgendwo nach mir. Stell keine Fragen, auf die es keine Antwort gibt, ich bin lang schon durch die Türe, wohin weiß ich selber nicht. Lass es gut sein, mach dir keinen Kopf, hak mich ab, Kind und verlass dich darauf, dass ich Recht habe: Es hat einfach keinen Zweck, auch wenn es noch so schön war, jeder einzige Augenblick. Es liegt nicht an dir, du kannst nichts. Es macht keinen Sinn, denk nicht groß darüber nach, es soll nicht sein. Es ist vorbei,  eh dass es noch heraus läuft auf Tierquälerei. Es ist vorbei und da bleibt es auch dabei, glaub mir, es ist besser, wir lassen uns frei. Nur eine Kerze brennt und der Zettel hier, vor mir macht mich fertig, weil er mich hypnotisiert, majestätisch, unberührt wie Schnee, jede Spur von mir darauf tur dir nur unnötig weh. Und ich sehe dich und ich sehne mich nach dir. Wie du da liegst, ich bin völlig irritiert. Wieso fällt mir jeder Buchstabe so schwer? Wieso kriege ich, was ich denke nicht auch logisch formuliert? Nein, es liegt nicht an dir, du kannst nichts dafür. Was ist bloß los mit mir? Herrgott, wieso sind wir zwei uns passiert? Nur der Wind weiß – falls der überhaupt etwas weiß – was der Grund dafür ist, das ich wie eine Katze so leise dir den Schal klaue, der nach all den Sünden riecht, und dann abhaue, eh du mich doch noch erwischst. Wenn du wach wirst, sitze ich irgendwo in einem Zug, Steve Mc Queen als Papillon, vor Gefühlen auf der Flucht, weil er Angst hat, dass er sich an dich gewöhnt, weil er ganz genau weiß, dass du etwas Besseres verdienst. Es liegt nicht an dir, du kannst nichts dafür, ich bin das Problem und wenn du ehrlich bist, siehst du das ein. Es ist vorbei, wenn ich etwas hasse, dann Rummeierei. Es ist vorbei. Glaub mir, es ist besser, wir lassen uns frei.