Sinnflut
Von der LP "Wolfgang Niedecken's BAP rockt andere  kölsche Leeder", 1979

Letzte Naach hann ich jedräump, ich wöhr dä Noah un dä Herrjott kohm un säht: "Paß op, Jung! Et jeht widder loss, Jung. Bau ens flöck e Floß. Nächste Friedaach jitt et Rään!" Un dann sähte: "Saach Bescheid dänneMänn, wo de meins, et köhm drop ahn, die et bringe, Jung, un dann pack die Saache, die mer bruch – bahl jeht es loss mtt dä Sintflut ... bau e Floß!" Eez hann ich jestutzt. Ich wohr total verdutzt un daach mer: "Dat kann doch janit sinn – nä! Doch hä selfs hatt dat natürlich och ald einjeplant un säht: "Jung, luhr öm Aach de Wetterkaat!" Weil ich nit su ärsch joot Scheffe baue kann, daach ich mer: "Roof ens eez beim Thyssen oder bei der Wehrmacht ahn." Ich saat: "Lück, ich bruch e Scheff, ziemlich jrooß – janz ejal, wat et koss! Dofür künnt ihr dann paar Freikaate hann für ming Floß – bahl jeht et loss!" "Su, wat bruch mer noch", hann ich mich jefrooch, un ich reef ahn dä Neckermann – dann. Ich saare: "Leeve Neckermann, schleif ens alles ahn, wat de häss – bahl jeht et loss!" Noh zwei Daach hatt ich Container vüür der Düür voll met Möbel un Klamotte, Lebensmittel, Dosebier, Rasenmäher un e Farbfernsehjerät – wofür dat Neckermännche vun mir e paar Freikäätscher kräät. Ich reef dä Springer ahn, ich saare: "Axel, maach ens flöck bekannt, druck en Schlaachzeil, schwazz un ruut: "Flut!!" Dä Axel kräät sign Freibillet, doch drucke dääte't nit, un stattdessen heeß et su: "Irrer schwafelt von der Sintflut Nummer zwei. Anarchisten und die SPD wahrscheinlich mit dabei. Kölner Sänger droht mit Weltuntergang. Weltverbesserer macht grünen Witwen angst und bang." "Wehrt dem Anfang", meint dozo Franz Josef Strauß, "sons ess et aus!" Fridaachs drop woor dä Daach X zum Stapellauf. Op dä Poller Wiss do sooch et uss wie beim Ausverkauf. Nur die Staatskarosse un die Poliziste paßte nit. Ja, wer hatt die bestellt? Jläuv et mir, ich woor dat wirklich nit! Als ich nöher kohm, do woot et mir dann kloor, dat dä Fähler janz bestemp dat mtt dä Freikaate woor, denn letzte Woch wohr mir noch ziemlich schleierhaft, wat en Sinnflut für ne Sinn hätt un wie mer sujet plant. Würdenträjer, Staat un Kirch un Finanzijehs – nur vun dänne Lück, die ich jemeint hat, do woor kei Minsch dobei. Nit et Lisbeth, nit dä Matthes, nit dä Kannebecker’s Franz – övverhaup kei Minsch vun dänne janze kleine Lück em Land. Ävver: Günter Noris un die Bundeswehr-Bigbänd spillt, dat Scheiden wieh däät. Heino sing: "Oh muß i, muß i denn" . Mensch, das janze Scheff wohr voll met dänne Lück, wo ich noch nie jet met ahm Hoot hatt – jottseidank bess hück. Ahnjeschesse, wie jewohnt un wie gehatt. Ich wohr et satt ... ich wohr platt. Ich blevv stonn ahn Land, un ich hann mich ärsch jeschamp un jeärjert: "Su ne Dress, nä!" Doch et wohr su wigg un et blevv kein Zick: Sektfläsch klar zum Stapellauf. Doch die Sektfläsch schloch e Leck. Dat wohr die Sinnflut, un die janze Prominenz ess vüür dä Poller Wiss verreck. Allemohle sinn versoffe. Ich daach: "Jetz, Jung, halt ding klammheimliche Freud öm Joddeswille joot versteck, denn mer weiß jo nie – selfs beim Dräume nie ..."

Sintflut
Übersetzt von Chrischi 1998

Letzte Nacht habe ich geträumt, ich wäre der Noah und der Herrgott käme und sagte: "Paß auf, Junge! Es geht wieder los, Junge. Bau mal schnell ein Floß. Nächsten Freitag gibt es Regen!" Und dann sagte er: "Sag Bescheid den Männern, wo du meinst, es käme darauf an, die es bringen, Junge, und dann pack die Sache, die man braucht – bald geht es los mit der Sintflut ... bau ein Floß!" Erst habe ich gestutzt. Ich war total verdutzt und dachte mir: "Das kann doch gar nicht sein – nein! Doch er selbst hatte das natürlich auch schon eingeplant und sagte: "Junge, schau um Acht die Wetterkarte!" Weil ich nicht so arg gut Schiffe bauen kann, dachte ich mir: "Rufe mal erst beim Thyssen oder bei der Wehrmacht an." Ich sagte: "Leute, ich brauche ein Schiff, ziemlich groß – ganz egal, was es kostet! Dafür könnt ihr dann ein paar Freikarten haben für mein Floß – bald geht es los!" "So, was brauchen wir noch", habe ich mich gefragt, und ich rief an den Neckermann – dann. Ich sagte: "Lieber Neckermann, schleppe mal alles an, was du hast – bald geht es los!" Nach zwei Tagen hatte ich Container vor der Türe voll mit Möbel und Klamotten, Lebensmittel, Dosenbier, Rasenmäher und einem Farbfernsehgerät – wofür das Neckermännchen von mir ein paar Freikarten bekam. Ich rief den Springer an, ich sagte: "Axel, mach mal schnell bekannt, drucke eine Schlagzeile, schwarz und rot: "Flut!!" Der Axel kriegte sein Freibillet, doch drucken tat er es nicht, und statt dessen hieß es so: "Irrer schwafelt von der Sintflut Nummer zwei. Anarchisten und die SPD wahrscheinlich mit dabei. Kölner Sänger droht mit Weltuntergang. Weltverbesserer macht grünen Witwen angst und bang." "Wehrt dem Anfang", meint dazu Franz Josef Strauß, "sonst ist es aus!" Freitags drauf war der Tag X zum Stapellauf. Auf der "Poller Wiese" sah es aus wie beim Ausverkauf. Nur die Staatskarossen und die Polizisten paßten nicht. Ja, wer hatte die bestellt? Glaub es mir, ich war das wirklich nicht! Als ich näher kam, da wurde es mir dann klar, daß der Fehler ganz bestimmt das mit den Freikarten war, denn letzte Woche war mir noch ziemlich schleierhaft, was eine Sintflut für einen Sinn hat und wie man so etwas plant. Würdenträger, Staat und Kirche und Finanziers – nur von den Leuten, die ich gemeint hatte, da war kein Mensch dabei. Nicht das Lisbeth, nicht der Matthes, nicht der Kannebecker’s Franz – überhaupt kein Mensch von den ganz kleinen Leuten im Land. Aber: Günter Noris und die Bundeswehr-Bigband spielt, daß Scheiden weh tut. Heino singt: "Oh muß i, muß i denn" . Mensch, das ganze Schiff war voll mit den Leuten, wo ich noch nie etwas mit am Hut hatte – gottseidank bis heute. Angeschissen, wie gewohnt und wie gehabt. Ich war es satt ... ich war platt. Ich blieb stehen an Land, und ich habe mich arg geschämt und geärgert: "So eine Scheiße, nein!" Doch es war so weit und es blieb keine Zeit: Sektflasche klar zum Stapellauf. Doch die Sektflasche schlug ein Leck. Das war die Sintflut, und die ganze Prominenz ist vor der "Poller Wiese" verreckt. Alle sind versoffen. Ich dachte: "Jetzt, Junge, halte deine klammheimliche Freude um Gottes Willen gut versteckt, denn man weiß ja nie – selbst beim Träumen nie ..."